Rukun Nelayan Desa Pangkahkulon Bagikan 700 Paket Sembako dan Uang Tunai Langsung Ke Nelayan

Gresik (cetbang.com) – Rukun Nelayan Desa Pangkahkulon Bagikan 700 Paket Sembako dan Uang Tunai Langsung Ke Nelayan. Nek biasae acara dum-dum bantuan diadakno secara seremonial, ngumpulno wong akeh.

Tahun iki, Pengurus Rukun Nelayan Deso Pangkahkulon, Ujungpangkah jemput bola. Bantuan dikekno langsung nang nelayan ambek omah warga.

Salah siji nelayan sing arane Asmat, seneng seru moro-moro oleh paket bantuan sembako ambek duik cash. Opo maneh pendapatane pas pageblug yo mudun. Rego iwak anjlok sampek 50%. Sak liyane nelayan, bantuan iki yo didumno nang anak yatim piatu, rondo, tukang becak, ambek wong sing dak mampu liyane.

Ketua Rukun Nelayan Pangkahkulon Abdul Latif njelasno, kegiatan dum-dum koyok ngene wis rutin diadakno 3 tahun iki. Danae teko iuran swadaya anggotae sing wis dikumpulno setahun terakhir. Tahun iki onok 700 paket sembako sing didumno.

Kegiatan iki diapresiasi ambek Kades Pangkahkulon Ahmad Fauron. Masiyo ta lagi podo sorohe ngene, tapi nelayan nang kono sik tetep isok nggawe aksi sosial.

Leave a Comment