Bupati Gresik Wajibkan Perusahaan Lakukan Rapid Test Pada Karyawannya

Gresik (cetbang.com) – Dak pengen kecolongan koyok perusahaan nang Suroboyo. Bupati Gresik Sambari Halim Radianto ngewajibno perusahaan sing onok nang Gresik ngadakno rapid test gae karyawane.

Pernyataan iku disampekno langsung ambek Bupati pas rapat bareng Forkopimda ambek perwakilan perusahaan mau isuk.

Hampir kabeh perusahaan sing teko pas rapat mau isuk ngaku siap ngadakno rapid test iki. Bahkan beberapa perusahaan sakdurunge wis ngadakno disekan.

Koyok PT Petrokimia Gresik sing wis ngadakno rapid test nang 91% karyawane, terus PT Wilmar wis mari ngetes 30% karyawane.

PT KAS, Garuda Food, ambek PT Smelting yo siap koordinasi ambek Gugus Tugas Pencegahan Covid-19 Kabupaten Gresik gae ngadakno rapid test.

Yo mugo-mugo bae perusahaan podo nurut terus ngadakno rapid test gae karyawane kabeh yo.

Oh iyo rapid test iki mek screening awal yo, Rek. Gae deteksi antibodi nang awak. Antibodi iki bakal kebentuk nek wong kenek virus. Tapi pembentukan antibodi iki dak isok langsung, butuh waktu.

Tes sing isok mastikno wong kenek Covid-19 opo dak yo PCR utowo swab. Mangkane nek onok wong sing rapid test e reaktif, kudu diswab gae mastikno.

Leave a Comment